Ստամբուլում ահաբեկչության հետեւանքով տուժածների թվում Հայաստանի քաղաքացիներ եւ ազգությամբ հայեր չկան։ Այս մասին NEWS.am-ը տեղեկանում է Հայաստանի ԱԳ նախարարության մամուլի ծառայությունից։
Ավելի վաղ NEWS.am-ը հայտնել էր, որ Թուրքիայի Ստամբուլ քաղաքում՝ Reina գիշերային ակումբում, անհայտ անձը զինված ներխուժել է ներս ու կրակ բացել, որի հետեւանքով մահացել է 39 մարդ, շուրջ 70 մարդ վիրավորվել է։
Լրատվամիջոցների փոխանցմամբ հարձակման պահին ակումբում 700-800 մարդ է եղել: