Քաղաքաշինական խորհուրդը հավանություն տվեց ներկայացված 3 նախագծերից մեկին
Երևանի քաղաքապետին կից քաղաքաշինական խորհրդի հերթական նիստում քննարկվել է 3 նախագիծ։
Մ. Բաղրամյան պողոտայի հ.18/2 հասցեում գրասենյակային շենքի կառուցման համար նախագծման թույլտվության էսքիզային առաջարկի վերաբերյալ խորհրդի անդամները կողմ են արտահայտվել՝ վերապահումով, որ նախագծում պետք է որոշակի փոփոխություններ արվեն:
Մասնավորապես, կառուցապատողը պետք է նվազեցնի շենքի նախապես առաջարկված բարձրությունը: Հարակից համայնքապատկան տարածքը որպես ավտոկայանատեղի օգտագործելու առաջարկին արձագանքել է քաղաքապետ Մարությանը և ընդգծել, որ, անվտանգության նկատառումներից ելնելով, տվյալ տարածքում կայանատեղիի ձևավորումը նպատակահարմար չէ։
Մյասնիկյան պողոտայի 1/9 և Մոսկովյան փողոցի 22 հասցեներում հյուրանոցների կառուցման էսքիզային առաջարկները խորհրդի անդամները որոշեցին հանել քննարկումից: Միաժամանակ կառուցապատողներին առաջարկվել է վերամշակել նախագծները՝ դրանք ավելի իրատեսական դարձնելով և լուծելով մոտեցման ճանապարհների ու ավտոկայանատեղիների խնդիրները:
https://www.facebook.com/YerevanCityHall/posts/3132485043467271?__xts__%5B0%5D=68.ARBFOazZ0PadwnG5wx0G41hFpRI-Pgh57JldNX4TD28GbXoqyAcIJM3Ct1s2aYenRcB3itXdbph8JyaShLG_VBrWZPBY2wISh0Z1ddboSLLNVU-FUEE_mJli1NiehJTSEjpo4EuzUiUMiJMKmJS-0irtnxUJFJ7GisWhBPBjp8SiIeFd1Ie-MgNN-oRhq16qHApmuCcTCK3qKvmXy_cJu5HoY1Y3MQTtNlqGby_GtZ38_22EzEa7dbGtSMAyiDs8TjjZJA-AN46LfACVyBLHtd7Hmq6RGAyYtzNoJrAwGiEe1ILbxla_ArWaZLVRMDv1YWBthYgStzBhoQ_NLoSr4iv-eyb7N_1oxBwxRcOcIrht5N8Pkrl_b1781j4&__tn__=-R