Ի՞նչ են փնտրում Իրավապահները ԱԺԲ համակիրների, խորհրդի անդամների բնակարաններում ու գրասենյակներում

Ոստիկանության մամուլի ծառայության հայտարարության համաձայն Մարտի 25-ից  սկսած արդեն մի քանի օր համատարած խուզարկություններ են իրականացվում Բևեռի աջակիցների տներում, ինչպես Երևանում, այնպեսէլմարզերում։

Կատարված խուզարկությունների արդյունքում հայտնաբերվել և առգրավվել են հետաքննության համար կարևորություն ներկայացնող փաստաթղթեր և առարկաներ, պլաններ, սխեմաներ, որոնք ենթադրաբար կապված են եղել հակակառավարական գործողությունների, իշխանապոխությանհետ։

ԱԱԾ հատուկ ջոկատայիններին և ոստիկաններին հանձնարարվել է միաժամանակյա խուզարկություններ նախաձեռնել՝ կուսակցության անդամներին հանկարծակիի բերելու և նրանց գործողությունները բացահայտելու  համար։

Քննչական կոմիտեի մամուլի խոսնակ Գոռ Աբրահամյանից տեղեկացանք, որ այս օպերատիվ  գործողություններն ընդգրկել են շուրջ 4 տասնյակ անձանց բնակարաններ և ԱԺԲ մի շարք գրասենյակներ։

Ազգային ժողովրդավարական բևեռ կուսակցությունը իր էջում ևս հայտարարություն է տարածել, որ խուզարկություն է իրականացվել կուսակցության մի խումբ անդամների բնակարաններում, այդ թվում՝ Ժիրայր Սեֆիլյանի, Արա Պապյանի, Վահե Գասպարյանի,Սասուն Բալումյանի, Կարո Եղնուկյանի, Աշոտ Պետրոսյանի, Վահագն Ավագյանի բնակարաններում։ Խուզարկել է նաև գնդապետ Վոլոդյա Ավետիսյանի տունը: Կարո Եղնուկյանին և  Աշոտ Պետրոսյանին բերման են ենթարկել և հարցաքննել, նրանք այժմ գտնվում են  նախնական կալանքի տակ։ Կալանքի որոշում է եղել նաև Սասուն Բալումյանի նկատմամբ, սակայն իրավապահներին չի հաջողվել նրան հայտնաբերել։ Խուզարկության պահին Բալումյանի տանը միայն մայրն է եղել, որը ասել է, թետղայիգտնվելուվայրնիրենհայտնիչէ։

Մարտի 29-ին վաղ առավոտյան ուժային կառույցները խուզարկություններ են իրականացրել նաև ԱԺԲ գրասենյակներում: Այս մասին տեղեկացանք «Բեւեռի» մամուլի կենտրոնի պատասխանատու Հերմինե Մկրտչյանից:

«Առավոտյան 7:30-ից, ինչպես հասկացանք, ոստիկանությունը եւ ԱԱԾ—ն միասին, դիմակավորված, որոշ դեպքերում՝ զինված, զանգվածային խուզարկություններ են իրականացրել ԱԺԲ երեւանյան եւ մարզային գրասենյակներում: Չգիտեմ, թե ինչ են փնտրում եւ ինչ պատճառաբանությամբ, որովհետեւ մեծ մասի հեռախոսներն առգրավված են: Սակայն տեղյակ եմ, որ գրասենյակներից համակարգիչներ եւ տեխնիկա են առգրավել»,-ասաց Հերմինե Մկրտչյանը:

Ուժայինների հեռանալուց հետո փաստաբան Տիգրան Հայրապետյանը մեզ հետ զրույցում հաստատեց, որ գրասենյակներից առգրավվել են համակարգիչները և փաստաթղթեր: « Ցանկացած փաստաթուղթ, որն իրենց հետաքրքրում է, առգրավեցին: Այսինքն, այլեւս հնարավոր չէ, որ քաղաքական միավորը իր գործունեությունն իրականացնի: Տպավորություն կար, որ իրենք ոչ թե կոնկրետ բան են փնտրում, այլ քաղաքական միավորի գործունեությունը խոչընդոտում են: Ինձ համար տարօրինակ է, որ դատարանները շատ հեշտ թույլ են տալիս խուզարկություն իրականացնել»,-ասաց փաստաբանը:

Լուրեր կան, որ առաջիկա օրերին սպսվում է նաև Ժիրայր Սեֆիլյանի և Վահե Գասպարյանի կալանավորումը։ Որոշ տեղեկություններով, Սասուն Բալումյանի նկատմամբ հայտարարվել է հետախուզում։