Շների համար մթերքներ արտադրող բելգիական ընկերությունները խոստացել են 2017-ին չորքոտանի բարեկամներին նոր համեղ ուտելիքով ուրախացնել՝ Doggy Frites կարտոֆիլի ֆրիով:

Արտադրողները պնդում են, որ նոր մթերքը դիետիկ է եւ ընդամնեը 8 տոկոս յուղայնություն ունի: Սակայն կարտոֆիլը չի դառնա չորքոտանիների ամենօրյա սննդակարգի անբաժանելի մասը եւ պետք է ընկալվի որպես համեղ կերակուր, փոխանցում է «ՌԻԱ Նովոստի»-ն:

«Շներն իրականում կարտոֆիլ շատ են սիրում»,- հավաստիացնում են արտադրողները: Նրանց խոսքով՝ փետրվար-մարտին արտադրանքը կհայտնվի կենդանիների համար ապրանքների վաճառքի ոլորտում մասնագիտացած խանութներում: Շների կարտոֆիլի ֆրին կվաճառվի փաթեթով՝ 40 եւ 80 գրամ քաշով: