Լաս Վեգասում անցկացված «Սպառողական էլեկտրոնիկայի ցուցահանդես»-ում (CES)  օդից խմելու ջուր արտադրող իսրայելական տեխնոլոգիան դարձել է 2020-ի  «Տարվա էներգաարդյունավետ ապրանքը»։ Գրում է algemeiner-ը։

Օդից ջուր ստեղծող սարքը, որը կոչվում է «GENNY», այն արտադրվել է Watergen ընկերության կողմից:

«Մեր ընկերության առաքելությունն է վերացնել արտաքին աղբյուրներին ապավինելու անհրաժեշտությունը և օգնել մարդկանց՝ ունենալ էկոլոգիապես ավելի մաքուր ջուր ու միջավայր», – ասում է Դեն Քլիֆորդը՝ Հյուսիսային Ամերիկայում Watergen-ի նախագահը:

Սարքը, որը նման է ջրի սովորական հովացուցիչի, օդից վերցում է խովանությունը, ֆիլտրում այն, մաքրում ու արտադրում մաքուր խմելու ջուր։ Ընկերությունը ներկայացրել է 2 տարբերակ՝ մեծ և փոքր։ Մեծը կարող է օրական արտադրել մինչև 900լ ջուր, իսկ փոքրը՝ տնային պայմաններում կապահովի մինչև 30լ ջուր։

Այս տեխնոլոգիան կարող է օգնել միլիոնավոր մարդկանց հատկապես Աֆրիկայում, որոնց համար ջրի հասանելիությունը սահմանափակ է, ինչպես նաև ջրային չզարգացած ենթակառուցվածքներ ունեցող երկրներում։