Իսպանացի զինծառայողները, որոնք մասնակցում են երկրում ծերանոցների ախտահանման աշխատանքներին, անկողիններում կորոնավիրուսից մահացած տարեց մարդկանց են հայտնաբերել, գրում է РИА Новости գործակալությունը` հղում անելով Իսպանիայի պաշտպանության նախարար Մարգարիտա Ռոբլեսին:
«Զինծառայողները մի քանի ծերանոցներում տեսել են ծերունիների, ամբողջովին լքված տարեցների և նույնիսկ իրենց անկողիններում մահացածների: Այս հարցում մենք կլինենք համառ ու անողոք: Նրանք, ովքեր չեն կատարում իրենց պարտականությունները, պատասխան կտան օրենքի առաջ»,-հայտարարել է Իսպանիայի պաշտպանության նախարարը: