«Լրագրողներ առանց սահմանների» միջազգային կազմակերպության կազմած «Մամուլի ազատության վարկանիշում» Հայաստանը 2020 թվականին էլ պահպանել է իր դիրքերը:

Ցանկը ներառում է 180 երկիր: Այս տարի, ինչպես եւ նախորդին, Հայաստանը զբաղեցրել է 61-րդ հորիզոնականը։ Նշենք, որ 2019 թ․ Հայաստանը 19 կետով բարելավել էր իր դիրքերը: Այս տարի հաջողվել է այն պահպանել: Բացի այդ, Հայաստանից ներքեւ գտնվող հորիզոնականներում են հայտնվել Ուկրաինան (96), Ռուսաստանը (149), Ուզբեկստանը (156), Ղազախստանը (157), Ադրբեջանը (168):

Ըստ զեկույցի՝ ամենից ազատ մամուլն ունեն Նորվեգիան, Ֆինլանդիան, Շվեդիան, Նիդերլանդներն ու Դանիան։ Ցանկի վերջին հորիզոնականներում տեղ են գտել Ջիբութին, Չինաստանը, Էրիթրեան, Թուրքմենստանը եւ Հյուսիսային Կորեան։

«Մամուլի ազատության վարկանիշային ցանկը» հրապարակվում է 2002 թվականից, դրանում հաշվի են առնվում այնպիսի չափանիշներ, ինչպիսիք են լրատվամիջոցների անկախությունը, բազմակարծությունը, լրագրողների անվտանգությունն ու ազատությունը։

armtimes.com