ՀՀ Կոտայքի մարզպետ Ռոմանոս Պետրոսյանը գրառում է կատարել իր ֆեյսբուքյան էջում՝ շնորհավորելով վետերաններին Հայրենական մեծ պատերազմում տարած հաղթանակի 75-րդ տարեդարձի առթիվ։

«Սիրելի՛ վետերաններ, սիրելի՛ հայրենակիցներ,

Շնորհավորում եմ Հայրենական Մեծ պատերազմում տարած փառավոր հաղթանակի 75-րդ տարեդարձի առթիվ։

Ֆաշիստական ոճրագործության դեմ պայքարը միավորեց ժողովուրդներին, և այդ միահամուռ պայքարում անուրանալի է հայ ժողովրդի ավանդը։
Այսօր մենք տարիների հեռվից նույն խորին երախտագիտությամբ և ակնածանքով ենք հիշում նացիզմի դեմ հաղթանակ տարած պատերազմի մասնակիցների խիզախությունը, տոկունությունն ու արիությունը:

Կոտայքում Հայրենական պատերազմի մասնակից 11 վետերան ունենք, ում երկուշաբթի օրը, հակահամաճարակային բոլոր նորմերը պահպանելով, կայցելեն խորհրդականներս և իմ կողմից խորհրդանշական նվերներ կհանձնեն։

Փառք ու պատիվ Հայրենական Մեծ պատերազմի բոլոր մասնակիցներին, վետերաններին և մեծ խոնարհում բոլոր ընկածներին:

https://www.facebook.com/PetrosyanRomanos/photos/a.379078235936332/839744363203048/?type=3&__xts__%5B0%5D=68.ARA8BqE9fHaLNn_PsQPKu42KtszXaJzx7ANtFro-FqFvqJ3fUaq1FCwxRL5bm89ZolbAPQCh7LuxK27CojfvqhALKhEGUUIcGq5Z9thUcu35TJHYCmS4xXznR5fRjc1xHrlFFnDkIhhlg1ZLVEbk0XNdLBs3qoK8Ez8qn7euJzdicUhbvLFmienOuYUSmKf1BYr7gMaHh95JogOHSJem66V1KJaWLMuD5iQU8xvT3ryVZsGXC0nX71k5jRi4GnpTVFhGlRhH34h2HaosWzZmlVrKUzqWznNc46kGyEskV4y1SmtT_OhJ4_vplNCgTi2jry9DA3kvogOrSiwLWW0dgv0&__tn__=-R