Azatutyun24
ԱԺ ապրիլյան պատերազմի հանգամանքներն ուսումնասիրող քննիչ հանձնաժողովի նախագահ Անդրանիկ Քոչարյանը հանձնաժողովի այսօրվա նիստից հետո, որին հրավիրված էր ՀՀ նախկին վարչապետ Կարեն Կարապետյանը, նշեց, որ Հովիկ Աբրահամյանին հրավիրելու մասով որոշում չկա:
«Դա, գուցե, վատ է գնահատականի առումով, որ այդ ժամանակվա Կառավարության մասնակցությունը մեր անվտանգային համակարգին այդքան էլ ծանրակշիռ չի եղել: Այսօրվա Կառավարությունը համար մեկ խնդիրը համարում է անվտանգային խնդիրը»,- նշեց Քոչարյանը:
Նա նշեց, որ հանձնաժողովի նկատմամբ ինչ-որ պահից սկսած փոխվել է վերաբերմունքը՝ թե՛ ընդդիմությունը ներկայացնողների, թե՛ նախկին իշխանության ներկայացուցիչների մեջ:
«Սա արդյունք է նրա, որ հանձնաժողովը քաղաքական որևէ նպատակ չունի ապրիլյան դեպքերն ուսումնասիրելիս, կա ապրիլյան դեպքերը ճիշտ ուսումնասիրելու ցանկություն, և այդ ցանկությունը բավարարվել է: Եվ այսօր չկա մեկը, որ չուզենա գալ, բացառությամբ մեկ պաշտոնյայի: Ես այլևս որևէ անգամ չեմ դիմելու, և պարոն Խաչատուրովը ինքը թող որոշի՝ կգա թե չի գա»,- նշեց Քոչարյանը:
Azatutyun24
