«Զվարթնոց» օդանավակայանը Շառլ Ազնավուրի անվամբ անվանակոչելու առաջարկությամբ ՀՀ Կառավարությանն է դիմել Ազնավուր հիմնադրամը և հայազգի մեծանուն գործիչի որդին՝ Նիկոլա Ազնավուրը։ Հիմնադրամը տեղեկացրել է, որ նախաձեռնության հեղինակը Շառլ Ազնավուրի երկրպագուներն են։ Այդ խնդրի կապակցությամբ դիրքորոշում հայտնելու համար ՀՀ Կառավարությունը դիմել է նաև ՀՀ հանրային խորհրդին։

Այս մասին ֆեյսբուքյան իր էջում գրել է ՀԽ նախագահ Ստյոպա Սաֆարյանը՝ հրապարակելով համապատասխան փաստաթղթեր:

«Ի նկատի ունենալով արտակարգ դրության պայմաններում ՀԽ-ի ու նրա համապատասխան հանձնաժողովների կողմից նիստերի հրավիրման դժվարություններն ու անհնարինությունը՝ հարկադրված կլինենք այս և մյուս խնդիրների քննարկումն ու եզրակացությունների հաստատումը կատարել էլեկտրոնային կամ հեռավար եղանակներով։

Հանրային խորհրդի բոլոր անդամներին ուղարկվել է ՀՀ Կառավարությունից ստացված փաթեթը, սակայն ոչ պակաս կարևոր է նաև հանրության տեսակետը գոնե սոցիալական ցանցերի օգնությամբ, ինչի նպատակով էլ տեղադրվում է առաջարկությունը ՀԽ ֆեյսբուքյան էջում։

Ուրախ կլինենք ձեր դիտարկումներն ու կարծիքներն ստանալ այս հարցի կապակցությամբ։

Հարգանքով՝
Ստյոպա Սաֆարյան
Հանրային խորհրդի նախագահ»: 

https://www.facebook.com/styopa.safaryan.9/posts/1308602122678617?__xts__%5B0%5D=68.ARA64DHuxvfnEF_v0TsrXFPC4ucDzaOHO-MN61Az04NWaFs2ArnsIlMkGyJ9C3TzWy6H6XMmK7H_WG3K0O3w87TX7tR13m3MnnY4SXZKBmI06DzPbGYv_QPJAgIysllX0z9DwP36HlaAJ4qvH-pIAPONiToCHww5Ktpx1Seqwj-au-mCJCnRndPuo5JV3q1HAT8eBl35SW0ors1-XzEVU4cKmG_mjldq-x7iVRUrJzHg661s3rOUjcTrQLS416VM0pjU3wunLZORcrJtZYNB2-OD3dw-u14stLZ9S8UGBdtIDvVJwf7LdVWBO1KsvfAZX7RjcK_ng7sJf_nA3dG-2Jg70g&__tn__=-R