Երեւանի ժամանակով ժամը 14:15-ին  ահազանգ է գրանցվել, որ Պակիստանի ծովափնյա Կարաչի քաղաքում վթարի է ենթարկվել պակիստանյան ավիաուղիների մարդատար ինքնաթիռը: Ըստ նախնական տվյալների՝ ինքնաթիռում եղել է մոտ 90 մարդ, որոշ աղբյուրներ նշում են, որ ուղևորների թիվը հասնում է 100-ի: Զոհերի եւ վիրավորների թիվն այս պահին ճշտվում է: Հայտնի է, որ Ա320 ինքնաթիռն իրականացնում էր ներքին չվերթ՝ Լահորից Կարաչի: Ինքնաթիռն ընկել է բնակելի տների վրա: Տեղում աշխատում են փրկարարները: