Վենետիկի հանձնաժողովի նախագահ Ջիանի Բուքիքիոն այսօր, ԵԽ Նախարարների կոմիտեին ներկայացնելով Հանձնաժողովի 2019 թվականի գործունեության մասին զեկույցը, անդրադարձել է նաև Հայաստանի հետ Հանձնաժողովի համագործակցությանը։
🔹Պարոն Բուքիքիոն, մասնավորապես, նշել է, որ երկու անդամ պետություններում՝ Հայաստանում և Մոլդովայում, օլիգարխիկ ռեժիմներ են տապալվել։ «Մենք (Հանձնաժողովը) աջակցում ենք այս երկու պետություններին՝ ժողովրդավարական համակարգեր ձևավորելու իրենց ջանքերում։ Մարտահրավերներից մեկը, որը հատկապես վերաբերում է Հայաստանի, բայց նաև Մոլդովայի իշխանություններին, վերաբերում է մի կողմից ժողովրդի ակնկալիքները բավարարելուն և երկրում իրական փոփոխություններ բերելու անհրաժեշտությանը, իսկ մյուս կողմից՝ իրավական կայունության պահանջներն ու օրինականության չափորոշիչները պահպանելու միջև ճիշտ հավասարակշռություն ապահովելուն: Հիմա՝ այս շաբաթվա մեր նստաշրջանում, մենք հաստատելու ենք շուրջ 10 առավելապես բարդ և զգայուն կարծիքներ»,- ասել է պարոն Բուքիքիոն՝ մասնավորեցնելով, որ այս կարծիքներն, ի թիվս այլ հարցերի, վերաբերում են Սահմանադրական դատարանի բարեփոխման առաջարկին և Հայաստանում սահմանադրական կարգի տապալման քրեական հանցագործության հարցերին:

https://www.facebook.com/rustam.badasyan/posts/3169803203071093?__xts__[0]=68.ARBDcHRc11NIJADsVY-QzYVWrTDFGztnrOdncw4Q8sx8ekrTZVF2ziuKXqqKr2s9qInYiO4dCUZ9_9mkHl1d27_gTVRvASu_sae02c_B_c-khxi27Amjp8MeU0NZVoV2jchq7xpo0d9kwtR4id_LcaYNxKJDvBr9FOlGKz7yD6aHpOkNoZFYjv08rB1bt_gnygNO7gywyDKroBxS1SJ0E70URQwKxw1tFBk1WGaomi-ipapFbRs90PUNx6GzihDBxHfyaUNeh1A9g-QJPegGooeJ3gzQdDD8Wh38lg223Vms7IWAixpxDvIWyzmqW8o9u2reDa-nmBja8leJTXUzprs3&__tn__=-R