ՀՀ վարչապետ Նիկոլ Փաշինյանը Ֆեյսբուքի իր էջում տեսանյութ է հրապարակել՝ «Կառուցենք Հայաստանը նորովի» շարքից: Տեսանյութում Կոտայքի մարզում ընթացող հիմնանորոգման աշխատանքներն են:

Վերին Պտղնիում կառուցվում է մանկապարտեզի շենքը, որում կգործի երկու խումբ` շուրջ 60 փոքրիկի համար: Ծրագրի արժեքը կազմում է 74,9 մլն դրամ, որից կառավարության ֆինանսավորմամբ` 37,4 մլն, համայնքային` 37,4 մլն: 

Վերանորոգվում է Եղվարդի մսուր-մանկապարտեզը: Կգործի 10-12 խումբ, կօգտվի շուրջ 300 երեխա: Համայնքում կավելանա 60 աշխատատեղ: Ծրագրի արժեքը` 113.2 մլն դրամ: 

Հիմնանորոգվում է նաև Նոր Հաճնի մարզասրահի դահլիճը, որտեղ կկազմակերպվեն համայնքի երկու հանրակրթական դպրոցների ֆիզկուլտուրայի դասընթացները: Ծրագրի արժեքն է 35,6 մլն դրամ: 

Հիմնանորոգվում է Զորավանի մանկապարտեզի շենքը: Մանկապարտեզ կայցելի 100 երեխա, կավելանա 22 նոր աշխատատեղ: Ծրագրի արժեքը` 54,4 մլն դրամ: 

Գեղաշենում ևս կառուցվում է նոր մանկապարտեզ: Համայնքը նախկինում մանկապարտեզ չի ունեցել: Մանկապարտեզ կայցելի 140 երեխա, կավելանա 20 նոր աշխատատեղ: Ծրագրի արժեքը` 125,4 մլն դրամ: 

https://www.facebook.com/nikol.pashinyan/videos/310199740134667/?t=13