Հայկական ատոմային էլեկտրակայանի աշխատակազմին է ներկայացրել նորանշանակ գործադիր տնօրեն Էդուարդ Մարտիրոսյանին։

«ՀԱԷԿ-ը մեր երկրի տնտեսության և, մասնավորապես, էներգետիկայի ոլորտում ունի ծանրակշիռ դերակատարում: Հաշվի առնելով ատոմակայանի ռազմավարական կարևորությունը՝ լիահույս եմ, որ պարոն Մարտիրոսյանի բազմամյա փորձառությունն ազգային անվտանգության ոլորտում լավագույնս կծառայի կայանի գործունեության արդյունավետության ու հուսալիության բարձրացմանը»,-նշել է Սուրեն Պապիկյանը՝ հաջողություն մաղթելով նորանշանակ տնօրենին առաջիկա աշխատանքներում:
 

ՀԱԷԿ-ի տնօրեն Էդուարդ Մարտիրոսյանն իր հերթին շնորհակալություն է հայտնել վստահության համար և համոզմունք հայտնել, որ այն կարդարացվի՝ էներգետիկ ոլորտի առաջատարների և լավագույն մասնագետների հետ համատեղ ջանքերի և թիմային աշխատանքի շնորհիվ:
 Նախարար Սուրեն Պապիկյանն անդրադարձ է կատարել նաև ատոմակայանի վերանորոգման և արդիականացման ուղղությամբ առաջիկա անելիքներին՝ մասնավորապես, առաջին անգամ պետական ֆինանսական միջոցներով և ներքին ընթացակարգերով գնումների գործընթացի և վերանորոգման աշխատանքների կազմակերպմանը:
Նախարարի խոսքով վերջին շրջանում կայանի մասնագիտական աշխատանքների կազմակերպմանը նոր որակ հաղորդելու նպատակով ատոմակայանը ենթարկվել է նաև կառուցվածքային փոփոխության, որով սահմանվել են գործադիր տնօրենի և տնօրենի առաջին տեղակալի հաստիքները:
Նախարարը հաջողություն է մաղթել կառույցի ղեկավար կազմին և գործադիր տնօրենի անմիջական ղեկավարությամբ մաղթել հաջողված համագործակցություն և արգասաբեր գործունեություն:

ՀՀ տարածքային կառավարման և ենթակառուցվածքների նախարարություն 

https://www.facebook.com/papikyan.suren/posts/1352584504950414?__xts__%5B0%5D=68.ARBMHCysYLHSfyUZbaUxR6kFEe_RtdQad-ywLiRL9ehCRa3vdKFuPmsVyD7fM7ReTPBDkgNpnuJqXez3Iu_f0Ti0GAXvKtdOys0QEs4HROMN6CkB_nXqjj6F447KTBz65MxS2KVUZ1zQjzj1yIUgni61e3z1Umx4xMM-dOttrY4UHzmV5DNzeqwGZm4907YH76PoPNgUAmTO19EoQzyBBGz3bA2aUDPkhObL67R1zgTQzDc8jWtaoDNjS5nTR7Bn1uIip6DMMA2l9MmVSXtaWb8ZYjnVE4sIzvt4LK93M9iAu3Ksharr872F0iK814qbg1h8agiFwHsR0jTmifgMiw_XD-N29ZKrK4MV68QLhBPkEbL-Ipg-DpZw30ro74Fh-9xk5WbAmRB1zGlkIfKJkef-iCdbrH5LPXjokQn9AwWEu02NHXAa-jC5elKIW6R2fJmlyrEf0whoC4kwMm2Ah8hi3q6q2SE2Z_ERBdlXLcYaDdQOn6X9IDGT3Q0y15LvRxTSF5Jim6svHuXeoxg9dw&__tn__=-R