Հայկական երկու հանրապետությունների ռազմական գերատեսչությունների միջև առկա փոխգործակցության ու գործողությունների համադրման ծրագրի շրջանակներում օգոստոսի 11-ին Արցախի Հանրապետություն է այցելել ՀՀ ԶՈՒ Գլխավոր շտաբի պատվիրակությունը՝ Գլխավոր շտաբի պետ, գեներալ-լեյտենանտ Օնիկ Գասպարյանի գլխավորությամբ: ԱՀ ՊՆ, ՊԲ հրամանատար, գեներալ-մայոր Ջալալ Հարությունյանի ուղեկցությամբ ՀՀ ԶՈՒ Գլխավոր շտաբի պետն այցելել է արևելյան ուղղությամբ գտնվող զորային նշանակության մի շարք օբյեկտներ: Բարձրաստիճան զինվորականներն առաջնագծում հետևել են լայնածավալ ամրաշինական աշխատանքներին, ծանոթացել մարտական հերթապահության ընդգրկված անձնակազմի ծառայության պայմանների ու կենցաղի բարելավման նպատակով իրականացվող միջոցառումների ընթացքին: ՊԲ ինժեներասակրավորական զորամասերից մեկում ներկայացվել են նոր տիպի ամրաշինական օբյեկտների կառուցվածքային տարրերը: Աշխատանքային այցի ընթացքում քննարկվել է հայկական երկու հանրապետությունների պաշտպանունակության տեսակետից կարևորություն ունեցող հարցերի լայն շրջանակ:

https://www.facebook.com/arcrun/posts/3241475645888021?__xts__%5B0%5D=68.ARCg2skBDVnRtO-q072bdox__U_27lFoAU02YqKP-YAkw9DB4w51pZYJvF_WTjpC_Im_ymYGvuKLhoV4PXde5GTicwFnJz5Qa_vJ8XElsHAUdx2jJhVVUbXu1ik45yTy0uTSobH38Naoc4HD9qvLCR53mjRe8NQIxE7B8SZPPqgkq8tcJ2fSEAaY1hMhyLsmz_Tymwb12qK6xSVYbYvX6ghsv_QErRxrGHoVNhabqXYRgNifEqEsYduFLL5g4SsgFIUvS8RYPklP4-3YiRuwfvcggpiqjPGgX_YfF_CdbUOBBmApkuVqJSzERmZ9UZ4vSKFV&__tn__=-R0.g