Բելառուսի նախագահ Ալեքսանդր Լուկաշենկոն հանրապետության զինվորական հրամանատարությանը հրամայել է իրականացնել «ամենախիստ միջոցները»՝ պետության տարածքային ամբողջականությունը պահպանելու նպատակով՝ տեղեկացնում է Sputnik-ը:

Ալեքսանդր Լուկաշենկոյի այդպիսի խիստ գործողությունները պայմանավորված են Բելառուսի սահմանին ՆԱՏՕ-ի ռազմական ակտիվությամբ ու զինտեխնիկայի տեղաշարժով:

«Նրանք ցանկանում են հանգեցնել նրան, որ այստեղ բերեն, այսպես ասած, նոր նախագահի»,- հայտնել է Լուկաշենկոն:

Բելառուսի նախագահի հավաստմամբ՝ երկրում խառնաշփոթը ստեղծել է Միացյալ Նահանգները, իսկ  եվրոպացիները հավանության են արժանացնում այդ ամենը:

Լուկաշենկոն պնդում է, որ Արևմուտքը որոշել է Բելառուսին իր կողմ քաշել ու Ռուսաստանի դեմ «բալթյան-սևծովյան միջանցք» ստեղծել, որի մեջ են մտնում Մերձբալթյան երկրները և Ուկրաինան:

https://www.facebook.com/RTRussian/videos/340266807108804/?t=11