Azatutyun24
Մեկնարկել են Գեղակերտ համայնքի խմելու ջրամատակարարման ցանցի հիմնանորոգման աշխատանքները. շուրջ 500 տնտեսության շուտով կապահովվի որակյալ ջրամատակարարմամբ:
Արմավիրի մարզպետարանից հայտնում են, որ ծրագրի ընդհանուր բյուջեն կազմում է 23 մլն 396.458 հազ. դրամ, որից ՀՀ պետական բյուջեից տրամադրվող սուբվենցիայի չափաբաժինը կազմում է 55%` 12 մլն 868.052 հազ. դրամ, իսկ համայնքի մասնակցությունը 45%` 10 մլն 528.406 հազ. դրամ:
Նազրվանի ջրաղբյուրից մատակարարվող խմելաջրի համակարգը կառուցվել է 1950-ական թվականներին: Մեկնարկած աշխատանքների շրջանակում 5000 գծմ երկարությամբ քայքայված ջրատար խողովակները կփոխարինվեն նորերով:
Խմելաջրի ցանցի հիմնանորոգմամբ կկրճատվեն վթարների հետևանքով կատարվող ընթացիկ նորոգման ծախսերը, էլեկտրաէներգիայի գերածախսը և վնասված խողովակներից ջրի արտահոսքը:
Աշխատանքների իրականացման նպատակով ստեղծվել է 5 ժամանակավոր աշխատատեղ:
