Վարչապետ Նիկոլ Փաշինյանը խորհրդարանում անդրադարձավ հակառակորդի սանձազերծած մարտական գործողությունների արդյունքում մեր և թշնամու ունեցած կորուստներին։

«Ինչ վերաբերում է կորուստներին, այո, մենք էլ ունենք կորուստներ, էական կորուստներ, հակառակորդն էլ ունի շատ էական կորուստներ։ Այս պահին մարտական ծանր գործողություններ են ընթանում, և քանի որ իրավիճակը զարգացող է, որևէ պահի որևէ հայտարարություն կարող է ճիշտ դուրս չգալ։ Այնպես որ իմ կոչն է հետևել Զինված ուժերի, Հայկական տեղեկատվական միասնական հարթակի տրամադրած տեղեկատվությանը»,- նշեց վարչապետը։