Azatutyun24
Հայրենիքում և Սփյուռքում ապրող սիրելի՛ հայրենակիցներ
Արդեն երկրորդ օրն է շարունակում ենք ինտենսիվ կերպով գտնվել Ադրբեջանի ռազմաքաղաքական ղեկավարության սանձազերծած պատերազմական լայնամաշտաբ գործողությունների մեջ: Գիշերվա ընթացքում Պաշտպանության բանակն իրականացրել է մի քանի փայլուն ռազմագործողություններ՝ պաշտպանական բնագծի տարբեր հատվածներում վերականգնելով կորցրած դիրքերը կամ ունեցել որոշակի առաջխաղացում:
Հպարտ և շնորհակալ եմ մեր զորքին, հրամանատարությանը՝ ցուցաբերվող մարտական բարձր ոգու և պատրաստականության համար:
Հպարտ և շնորհակալ եմ մեր ժողովրդին՝ այս ընթացքում ցուցաբերած ողջախոհության, ամեն ինչ հանուն Հայրենիքի ու ճակատի՝ նվիրվածության համար:
Հպարտ և շնորհակալ եմ ՀՀ մեր հայրենակիցներին ու իշխանություններին՝ ցուցաբերած անվերապահ սատարման համար:
Հպարտ և շնորհակալ եմ աշխարհասփյուռ մեր հայրենակիցներից աջակցող հազարավոր զանգերի ու խոսքերի համար:
Խոնարհումս ու ցավակցություններս եմ հայտնում այս ընթացքում հերոսի կյանքով ընկած մեր բոլոր տղաների հարազատներին: Հպարտ և շնորհակալ եմ:
Հարգելի՛ հայրենակիցներ
Մեկ անգամ ևս դիմում եմ բոլորիդ՝ հաղթանակի անվերապահ հավատով ու զգացումով: Անհնար է հաղթել մի ժողովրդի, որը ժամերի ընթացքում վերածվում է կուռ ու միասնական բանակի:
Հաղթանակը մերն է լինելու:
https://www.facebook.com/ArayikHarutyunian/posts/611831556180888?__cft__[0]=AZWTsZavmfiyESBMI5ESHsik2lQMMs6xKzfIiAxV9iBUa6SqQegHRCaAYtssEfyUYeHpMvx5pKXcWKFLua-EHkMn4wp_-I_yKj67BywFnT7MfXaaDA7JoQHtZ2ZxNWs6_1AWu6GMvAoDQdWB6GOKUzAPcnq4c_zICaXBRAvxdGp7TUdHb7vK4FUMLU1ObhBRTik&__tn__=%2CO%2CP-R
Azatutyun24
