ՀՀ ԱԳ նախարարի պաշտոնակատար Արա Այվազյանը մայիսի 13-ին հեռախոսազրույց է ունեցել ՀԱՊԿ գլխավոր քարտուղար Ստանիսլավ Զասի հետ, որի ժամանակ Այվազյանը գլխավոր Զասին ներկայացրել է մայիսի 12-ից Հայաստանի պետական սահմանին տեղի ունեցած վերջին միջադեպի հետևանքով ստեղծված իրավիճակը:

Արա Այվազյանը անթույլատրելի է համարել ՀԱՊԿ անդամ Հայաստանի Հանրապետության ինքնիշխան տարածքի նկատմամբ Ադրբեջանի կողմից ոտնձգության փորձը՝ նշելով, որ դա լուրջ սպառնալիք է նաև տարածաշրջանային անվտանգությանն ու կայունությանը: 

Ըստ աղբյուրի՝ զրուցակիցները մտքեր են փոխանակել նմանօրինակ իրավիճակներում Հավաքական անվտանգության պայմանագրի դրույթների և ՀԱՊԿ կանոնադրությամբ նախատեսված գործիքակազմի կիրառման շուրջ:
 

Հիշեցնենք, որ այսօր AuroraNews-ը կապ էր հաստատել ԱԳՆ մամուլի խոսնակի հետ, վերջինս նշել էր՝ կա պլանավորած հեռախոսազրույց, որի համար էլ նախարարը կիսատ թողեց նիստը։ Նա նշեց նաև, որ հայտարարություն ԱԳՆ-ն կտարածի։