Azatutyun24
«Մենք պետք է մերժենք սևերի ու սպիտակների գաղափարը, ղարաբաղցիների ու հայաստանցիների գաղափարը, մարդկանց իրար դեմ հանելու գաղափարը։ Մենք գալիս ենք ասելու, որ մենք հզոր ու միասնական ժողովուրդ ենք»,- Երևանի Էրեբունի վարչական շրջանում քարոզարշավի ժամանակ հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։
«Մենք զրկելու ենք իշխանությունից և ջարդելու ենք այն քաղաքական ուժը, այն մարդուն, որ հայտարարում է, որ եկել է հայկական հոգևոր էլիտան ոչնչացնելու։ Նման ծրագրեր 1915 թվականին ունեցել է Թուրքիան։ Կարո՞ղ ենք թույլ տալ նրանց այդպիսի բան անել։ Երբեմն մտածում եմ, որ նրանք ոչ թե իշխելու ու կառավարելու, անգամ Հայաստանում ապրելու իրավունք չունեն», — ասաց նախագահը։
Նա նշեց, որ յուրաքանչյուրից է կախված՝ ինչպիսի առավոտ ենք ունենալու հունիսի 21-ին։ «Ձեզանից է կախված․ հույսի, հավատի առավո՞տ, թե․․․․ ուրիշ տարբերակ չեմ էլ քննարկում։
Բոլորս միասին դեպի ուժեղ Հայաստան, բոլորս միասին անենք ամեն ինչ՝ մեր ժողովրդին հույս ու հավատ հաղորդելու համար», — եզրափակեց «Հայաստան» դաշինքի առաջնորդը։
Azatutyun24
