ԱՄՆ-ի ռազմածովային ուժերի վեցերորդ նավատորմի ռազմանավ՝ «Մաունթ Ուիթնին» (Mount Whitney), նավարկեց դեպի Սև ծով: ԱՄՆ-ի վեցերորդ նավատորմի տարածած հաղորդագրության համաձայն, ռազմանավը ՆԱՏՕ-ի դաշնակիցների ու գործընկերների հետ կմասնակցի Սև ծովում համատեղ գործողություններին։

Նավի վրա են գտնվում՝ ԱՄՆ-ի վեցերորդ նավատորմի և ՆԱՏՕ-ի ռազմածովային ուժերի ներկայացուցիչներ։

Անցած շաբաթվա վերջին ԱՄՆ-ի և ՆԱՏՕ-ի ղեկավարները հայտարարեցին Միջերկրական և Սև ծովերում գործողությունների մեկնարկի մասին՝ ուղղված տարածաշրջանում անվտանգության և կայունության ապահովմանը։ Բացի այդ, երկու օր առաջ Սև ծով է մտել ամերիկյան թևավոր հրթիռներով հագեցած «Պորտեր» ռազմանավը։

BREAKING: Sixth Fleet flagship #USSMountWhitney (LCC 20), with embarked SIXTHFLT and @STRIKFORNATO staff, began its northbound transit to the #BlackSea to operate with our @NATO allies & partners in the region! #PowerForPeace #StrongerTogether #WeAreNATO pic.twitter.com/TJkuf9VAxe

— U.S. Naval Forces Europe-Africa/U.S. 6th Fleet (@USNavyEurope) November 1, 2021