ԱԺ «Քաղաքացիական պայմանագիր» խմբակցության նախկին պատգամավոր Սոֆյա Հովսեփյանն ազդարարում է ազատագրական շարժման մեկնարկի մասին.

«Հայրենակիցներ, մեկնարկել է ազատագրական շարժումը, որի նպատակն է.
— կանխել սահմանագծման և սահմանազատման հակահայկական ծրագիրը, այդ թվում՝ պահանջելով հրապարակել ստորագրման ներկայացված փաստաթղթերը,

— թույլ չտալ միջանցք տրամադրել թշնամուն,

— պահանջել, որ Հայաստանի իշխանությունները լիարժեք զինեն առաջնագիծը և պաշտպանեն ՀՀ տարածքային ամբողջականությունը:

Մեր պայքարը հայկական պետականության պահպանման համար է։ Մեր երկրի անվտանգությունը ամեն մեկիս ձեռքում է՝ Սյունիքից մինչև Տավուշ, Շիրակից մինչև Արցախ։

Նոյեմբերի 22-ին, ժամը 17:00-ին հավաքվում ենք Երևանի Հանրապետության հրապարակում՝ տեր կանգնելու մեր երկրին ու պետականությանը»,- գրել է Փաշինյանի նախկին թիմակիցը իր ֆեյսբուքյան էջում։