Դեղորայքի հարցերով ԵՄ կարգավորիչ մարմինը թույլատրել է քովիդի դեմ Pfizer ընկերության Պակսլովիդ հաբերի օգտագործումը մինչև արտադրանքին պաշտոնապես հավանություն տալը։ Այդ մասին ասվում է կարգավորիչ մարմնի կայքում։ 

Այն թույլատրվել է որպես ծայրահեղ միջոց՝ Օմիկրոն շտամի ալիքը զսպելու համար։ Հաբերը նախատեսված են մեծահասակների բուժման համար, որոնց համար հավելյալ թթվածին չի պահանջվում, և առկա է հիվանդության ծանր ընթացքի զարգացման մեծ ռիսկ։ Հաբերի օգտագործումը հղիներին չի թույլատրվում։ 

Նշենք նաև, որ Դանիայում հինգշաբթի, ԵՄ-ում առաջինը, հավանություն են տվել քովիդի բուժման համար Merck ընկերության Մոլնուպիրավիր հաբերի օգտագործմանը։

auroranews.am