Azatutyun24
Երևանի քաղաքապետի տեղակալներ Լևոն Հովհաննիսյանը և Ստեփան Մաչյանը Արաբկիր վարչական շրջանի ղեկավար Արամ Դանիելյանի ուղեկցությամբ շրջել են Արաբկիրի այն հատվածներում, որտեղ առաջիկայում տրվելու է քաղաքաշինական խոշոր նախագծերի մեկնարկը:
Մամիկոնյանց-Խաչատրյան ճանապարհահատվածի շինարարական աշխատանքներն արդեն նախապատրաստական փուլում են. աշխատանքները կսկսվեն մարտ-ապրիլ ամիսներին։Առաջիկայում կհայտարարվի նաև Կոմիտասի պողոտայից դեպի Հայ-ռուսական սլավոնական համալսարան տանող ճեմուղու շինարարության մրցույթը:Նախագծի իրականացմամբ աղբատեղիի վերածված և հակասանիտարական վիճակում գտնվող նախկին գնացքի գծերի փոխարեն Արաբկիրը կունենա նոր ճեմուղի, որը կստեղծի բոլորովին նոր միաջավայր:
