ՌԴ պաշտպանության նախարար Սերգեյ Շոյգուն ՀԱՊԿ պաշտպանության նախարարների խորհրդի տեսակոնֆերանսի ժամանակ անդրադարձել է ռազմաքաղաքական դաշինքում տիրող իրավիճակին, որում ներկայացված է նաև Հայաստանը։ Շոյգուն ասել է, որ Ռուսաստանը համակողմանի աջակցություն կցուցաբերի ՀԱՊԿ դաշնակիցներին՝ կազմակերպության միասնությունը խաթարելու Արեւմուտքի նպատակաուղղված աշխատանքի համատեքստում։ Նա ընդգծել է, որ արեւմտյան երկրները նպատակաուղղված աշխատանք են տանում ՀԱՊԿ երկրների միջեւ դաշնակցային հարաբերությունները խաթարելու համար։

«Մենք գիտենք, թե ինչ ճնշում է գործադրվում մեր դաշնակիցների վրա: Օգտագործվում են չքողարկված սպառնալիքներ, շանտաժ, ինտրիգներ։ Այս ամենը մեզանից պահանջում է էլ ավելի մեծ համախմբվածություն, գործողությունների ավելի ակտիվ և հստակ համակարգում»,- ասել է ՌԴ պաշտպանության նախարարության ղեկավարը։ Սերգեյ Շոյգուն նաև նշել է, որ Ռուսաստանը կշարունակի անհրաժեշտ օգնություն ցուցաբերել իր դաշնակիցներին՝ չեզոքացնելու առաջացող սպառնալիքները և պաշտպանելու ինքնիշխանությունը։