Միացյալ Նահանգները մեծացնում է իր ռազմական ներկայությունը Իրանի մերձակայքում՝ միջուկային բանակցությունների ֆոնին, գրում է Bild-ը։

ԱՄՆ զինուժը վեց B-2 Spirit ռազմավարական ռմբակոծիչներ է տեղակայել Հնդկական օվկիանոսում գտնվող Դիեգո Գարսիա ավիաբազայում՝ Իրանից մոտ 3800 կմ հեռավորության վրա։ Արբանյակային լուսանկարները ցույց են տվել թռիչքուղու վրա ինքնաթիռներ, ինչպես նաև այլ ռազմական տեխնիկա է հայտնաբերվել։

Այս ամրապնդումը տեղի է ունենում Իրանի հետ լարված հարաբերությունների և միջուկային ծրագրի շուրջ բանակցությունների վերսկսման ֆոնին։ Նախագահ Դոնալդ Թրամփը կրկնել է, որ Իրանը «երբեք չպետք է միջուկային ռումբ ունենա»՝ սպառնալով «կոշտ միջոցներով», եթե բանակցությունները ձախողվեն։

Որոշ լրատվամիջոցներ համարում են, որ էսկալացիան կարող է տեղի ունենալ շատ շուտով, և որ Թրամփը կարող է օդային հարվածներ պատրաստել միջուկային օբյեկտների վրա։ Telegraph պարբերականի տվյալներով՝ «ռումբերը կարող են ընկնել արդեն հաջորդ շաբաթավերջին»։

Հաղորդվում է, որ Պենտագոնը նաև ընդլայնել է Իրանի նկատմամբ իր «ռազմական ծրագրերը» և չի բացառում միջուկային հարվածի սցենարները: Թեհրանն իր հերթին սպառնում է հարձակումներով Դիեգո Գարսիա ավիաբազայի վրա։