Azatutyun24
ՄԱՐԻԱՄ ԽՈՒԴՈՅԱՆԻ ՎԵՐԼՈՒԾԱԿԱՆ ԱՆԿՅՈՒՆԸ․ ՔԱՂԱՔԱԿԱՆ ԴԻՐՔՈՐՈՇՈՒՄՆԵՐ և ՀԵՂԻՆԱԿԱՅԻՆ ՀՈԴՎԱԾՆԵՐ։
Հետևեք հաջորդիվ՝ անկախ և հայամետ դիտարկումների համար։
Հեղինակ՝ Մարիամ Խուդոյան
2025 թվականը դարձավ այն սահմանագիծը, երբ իշխանություն–Եկեղեցի հակամարտությունը վերածվեց բացահայտ ճնշումների։ Բագրատ արքեպիսկոպոս Գալստանյանի կալանավորումը, Միքայել արքեպիսկոպոս Աջապահյանի նկատմամբ քրեական հետապնդումը և Մայր Աթոռի տարածքում ստեղծված ուժային լարվածությունը ցնցեցին հազարավոր հավատացյալների։
Իշխանությունը հոգևորականներին մեղադրում էր իշխանությունը զավթելու կոչերի և վտանգավոր ծրագրերի մեջ, մինչդեռ նրանց աջակիցները կատարվածը գնահատում էին որպես քաղաքական հաշվեհարդար՝ Եկեղեցու քննադատական ձայնը լռեցնելու նպատակով։ Հոգևորականների բնակարաններում խուզարկությունները, ձեռնաշղթաներն ու Մայր Աթոռի դարպասների մոտ կանգնած ուժայինները դարձան 2025 թվականի Հայաստանի ցավալի խորհրդանիշը։
Դարերով թշնամիներն են փորձել լռեցնել Հայ Եկեղեցու զանգերը, իսկ այսօր այդ զանգերի դեմ դուրս է եկել սեփական պետության իշխանությունը։ Կարելի է չհամաձայնել հոգևորականի քաղաքական դիրքորոշման հետ, բայց չի կարելի ձեռնաշղթայել հավատը, նվաստացնել սքեմը և վախեցնել մի ամբողջ ժողովուրդ։
Եկեղեցու դեմ բարձրացված ձեռքը միայն հոգևորականի դեմ չէ։ Այն բարձրացված է մեր պատմության, մեր ինքնության և այն վերջին սրբության դեմ, որի դռանը հայ մարդը միշտ վերադարձել է ամենածանր օրերին։
Azatutyun24
