Azatutyun24
Միացյալ Նահանգները չի մասնակցի երկու պետությունների լուծման առաջիկա համաժողովին, ըստ Reuters գործակալության՝ լրագրողներին հայտնել է Պետքարտուղարության մամուլի խոսնակի տեղակալ Թոմի Փիգոթը։
Պաղեստինյան պետության ստեղծման վերաբերյալ համաժողովը նախատեսված է այս ամսվա վերջին Միավորված ազգերի կազմակերպությունում։ Փիգոթը միաժամանակ նշել է, որ ԱՄՆ-ն աշխատում է ավելի շատ մարդասիրական օգնություն հասցնել Գազա՝ «ձգտելով դա անել այնպես, որ ՀԱՄԱՍ-ը չթալանի օգնությունը»։
Թոմի Փիգոթը ՀԱՄԱՍ-ին մեղադրել է «մարդասիրական օգնությունը զենքի վերածելու» մեջ։
«Մենք ունենք համակարգ, որը թույլ է տալիս հնարավորինս շատ օգնություն հասցնել Գազա այնպես, որ ՀԱՄԱՍ-ն այն չթալանի… Սա է այն իրականությունը, որի ուղղությամբ աշխատում ենք՝ փորձելով հնարավորինս շատ օգնություն հասցնել այնտեղ»,- հավելել է նա։
