ԱՄՆ-ն կարող է Չեչնիայի առաջնորդ Ռամզան Կադիրովին բռնելու ռազմական գործողություն իրականացնել՝ Վլադիմիր Պուտինի վրա պատերազմը դադարեցնելու ճնշում գործադրելու համար, հայտարարել է Ուկրաինայի նախագահ Վլադիմիր Զելենսկին։ «Ահա [Վենեսուելայի նախագահ] Մադուրոյի օրինակը։ Նրանք իրականացրին գործողությունը։ Բոլորը տեսան արդյունքները, ամբողջ աշխարհը։ Նրանք դա արագ արեցին։ Դե, թող ինչ-որ գործողություն իրականացնեն այս, ինչպես է նրա անունը՝ Կադիրով, այս մարդասպանի դեմ։ Գուցե այդ ժամանակ Պուտինը տեսնի դա և լավ մտածի»,- լրագրողների հետ հանդիպման ժամանակ ասել է Զելենսկին։

Ըստ Զելենսկու՝ ԱՄՆ-ն Ռուսաստանի վրա իրական ճնշում գործադրելու գործիքներ ունի և գիտի, թե ինչպես օգտագործել դրանք, բայց դրա համար Ուկրաինան պետք է Վաշինգտոնի համար առաջնահերթություն լինի։ Մինչդեռ ԱՄՆ նախագահ Դոնալդ Թրամփի ներկայացուցիչները բանակցություններ են վարում Ռուսաստանի հետ, բայց Ռուսաստանը «քիթը ցցում է»,- հայտարարել է Զելենսկին։ Միևնույն ժամանակ, նա զգուշացրել է Մոսկվային, որ Կիևն ունի «բավականին ուժեղ» գործընկերներ, և «նրանք կարող են ձեր քթին խփել, եթե ցանկանան»։