Ռուսաստանի նախագահ Վլադիմիր Պուտինը հայտարարել է, որ նորագույն միջուկային «Լիդեր» սառցահատի կառուցումը, որի հզորությունը 150 ՄՎտ է, կավարտվի մինչև 2030 թվականը։ Ըստ РИА Новости-ի՝ դրա մասին նա հայտարարել է Մոսկվայի ֆիզիկայի և տեխնիկայի ինստիտուտի ուսանողների և շրջանավարտների հետ հանդիպման ժամանակ։

Աշխարհում նմանը չունեցող նավը կառուցվում է Հեռավոր Արևելքի «Զվեզդա» նավաշինարանում։ Պուտինն ընդգծել է, որ «Լիդեր»-ը կկարողանա ճեղքել ցանկացած հաստության սառույց և ունի բացառիկ հզորություն, որն այսօր ոչ մի երկիր չունի։

Պետության ղեկավարը նշել է, որ ռուսական նավատորմում արդեն իսկ գործում է ութ միջուկային սառցահատ, երկու նոր՝ «Չուկոտկա»-ն և «Լենինգրադ»-ը, կառուցվում են, իսկ «Ստալինգրադ»-ի կառուցմանհիմքը նոր է դրվել։ Նա հավելել է, որ Ռուսաստանը կշարունակի յուրացնել Արկտիկան՝ անկախ կլիմայի փոփոխության սցենարներից, թե՛ տաքացումից, թե՛ սառեցումից։