«…անձնվիրաբար ծառայել հայրենիքին` Հայաստանի Հանրապետությանը, և հանուն նրա չխնայել կյանքը: Երդվո՛ւմ եմ»,-այս խոսքերով են նորակոչիկները համալրում Հայոց բանակի շարքերը:

Երդման արարողությանը նորակոչիկներից ավելի սպասում են ծնողներն ու հարազատները, որպեսզի ականատեսը դառնան իրենց զավակների զինվորանալուն:

Այս անգամ, նպատակ ունենալով կանխել վարակի ներթափանցումը ՀՀ զինված ուժեր, ստիպված ենք զինծառայողների ծնողներին տեղեկացնել, որ երդման արարողություններն իրականացվելու են միայն զորամասերի մշտական տեղակայման վայրերում՝ բացառելով բոլոր տեսակի հրավերները, տեսակցություններն ու ընդունելությունները։