Ինժեներների, նախագծողների, ճարտարապետների, շինարարների մեծ բանակն իր ամենօրյա նվիրված աշխատանքով բառի ամենաուղիղ իմաստով կառուցում է մեր երկիրը, փոխում այն՝ դարձնելով ավելի լավ,
ավելի անվտանգ, բարեկեցիկ ու գեղեցիկ։

Պատմականորեն հայ շինարարները աշխարհին հայտնի են հմուտ շինարարի համբավով և թողած անգնահատելի ժառանգությամբ:
Այսօր ևս ձեր աշխատանքի արդյունքները, լավագույնս արտացոլելով ժամանակի ոգին, փոխանցվելու են սերունդներին։

Պետք է փաստել, որ մեր երկրում օր օրի աճող շինարարության պայմաններում մենք կարիք ունենք ոլորտի համալրման և որակյալ մասնագետների ներգրավման, ուստի առանձնահատուկ հարգանքս այն շինարարներին, որոնք այս տարի արտագնա աշխատանքի փոխարեն մասնակցում են երկրի շենացման գործին, ինչպես նաև այն երիտասարդներին, որոնք որոշել են մասնագիտանալ շինարարության հետաքրքիր ոլորտում:

Կրկին շնորհավորում եմ շինարարական ոլորտի բոլոր մասնագետներին, մաղթում քաջառողջություն, մասնագիտական նոր հաղթանակներ և բարօրություն։

Միասին #գյուղառգյուղ, #քաղաքառքաղաք շենացնելու ենք:

https://www.facebook.com/papikyan.suren/posts/1350042808537917?__xts__%5B0%5D=68.ARBZ8RP4vv6OMst4t8TPc52eCASzgXanODwWE4rlyvblGVjZGB7cUd3ZUYQWwXYGufZOTZ1V8GoibjNF4BqMNPfoykh8APtsWtgjARiIVRtpv-8f6IIZGCXJ_s4vKJz_0dnyHUHyCFwRDSWuH_IKXEXzx_rERFRiRSdzXznyLRxojF97SbmztEt23n_KN2A1CZqcBDci20c2nKb0H7o19ZQKcXx3vbYaSUnPYVI4vwbrN7oFR042xU75XbkqSuWL5oY-gWCEnn3yXdX45VyOO8E4E3sMxcJyuPp4RMT5WlNp7fVu65XmT2IdnBGzuUnlora8T7w0Ek9xy_0jy7TSEX69h2-yvQb9xTSk46CuHvKQGcbhu99EaHR7&__tn__=-R