✅անօրինական վերասարքավորված ու առանց համապատասխան թույլտվության հատուկ ձայնային ազդանշաններով կահավորված տրանսպորտային միջոցները, ճանապարհային երթևեկության կանոններով չնախատեսված նպատակներով ձայնային ազդանշաններ արձակելը, ստանդարտին չհամապատասխանող երաժշտական համակարգերի օգտագործումը:

ՀՀ քաղաքացին, ՀՀ-ում բնակվող յուրաքանչյուր ոք ունի կյանքի համար բարենպաստ և առողջության համար անվտանգ աշխատանքային ու բնակության պայմանների, հանգստի իրավունք։ Իսկ վերը թվարկվածը խախտում է մարդկանց իրավունքները, վտանգում մեր ու մեր երեխաների առողջությունը։

Հաշվի առնելով, որ վերոնշյալ ոլորտներում հիմնականում ունենք օրենսդրական կարգավորումներ, այսօր համապատասխան գերատեսչություններին հանձնարարվել է.
✅Ուժեղացնել հսկողությունը գիշերային ժամերին լռության խախտման դեպքերի, հրավառությունների իրականացման, հրագործական արտադրանքի իրացման նկատմամբ,

✅Քայլեր ձեռնարկել գիշերային ժամերին ճանապարհային երթևեկության կանոնները չարամտորեն խախտող և քաղաքացիների հանգիստը խանգարող անձանց պատասխանատվության ենթարկելու, անօրինական վերասարքավորված տրանսպորտային միջոցները հայտնաբերելու և դրանց շահագործումը դադարեցնելու ուղղությամբ,

✅Բնակչության շրջանում իրականացնել մեծածավալ իրազեկման աշխատանքներ՝ հրավառությունների կազմակերպման և հրագործական արտադրանքի իրացման ոլորտում գործող արգելքների, տրանսպորտային միջոցների ազդանշանային համակարգը օգտագործելու կանոնների վերաբերյալ:

https://www.facebook.com/tigran.avinyan/posts/2544359352535136?__xts__%5B0%5D=68.ARAQBp02rOkLdCN44Na3AsII1gOAkv7BdX3u8MlBHcK3Xwsp8Z64dLIIc8m_rXxQCCfEUdi-BoeaUubze2Hhx6EB-_ftlw4qLIajok04qZcJDTIrezTCsTNR2NXuCfCg7RvI53nqoMGQ0VFzv4uyRMBcDynTI7M3inmTQ9lvXzdy_ITjjtOKgTNLzVbkuLacpZawPnHZ2aU5iEoiAqLSHXm0ooBFvigyDePED12-Suv1Ty-vSgEu2XBMcfDeKKXw-sljw8LeUOaDpH6vIUvt0TAHn-gYYVE_kxd7lTD3qjdETFda2tDlpekMf1x8h7MY0o708SMCiGIz6uCORfLfd1vH&__tn__=-R