SHAMSHYAN.com-ի տեղեկություններով՝ ոստիկանության Արտաշատի բաժնի հետաքննչական բաժանմունքի ավագ հետաքննիչ Մեսրոպ Անտոնյանի որոշմամբ ՀՀ քր. օր-ի 314 հոդվածի 1-ին մասի (պաշտոնական կեղծիք) հատկանիշներով հարուցվել է քրեական գործ։ Ինչպես հայտնում է ֆոտոլրագրող Գագիկ Շամշյանը, նշված քրգործը հարուցվել է հուլիսի 18-ին Արտաշատ քաղաքի Հովհաննես Թումանյանի անվան թիվ 2 դպրոցի տնօրեն Նաիրա Նիկողոսյանի նկատմամբ։ Ֆոտոլրագրողի տեղեկություններով՝ հարուցված քրեական գործը ոստիկանության Արտաշատի բաժնից փոխանցվել է Հայաստանի քննչական կոմիտեի Արարատի մարզային քմնչակամ վարչություն, որտեղ փաստի առթիվ քննություն է սկսվել։ Ըստ տեղեկությունների՝ կան կասկածներ, որ տնօրեն Ն. Նիկողոսյանի կողմից կատարվել է դիպլոմների կեղծում, և ինչ-որ անձինք ստացել են Կարմիր դիպլոմներ։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: 

shamshyan.com