SpaceX ընկերությունը մարիխուանա է ուղարկելու ՄՏԿ ( բայց ոչ ծխելու համար )

Front Range Biosciences ագրոտեխնիկական ընկերության պատվերով, 2020 թ-ի մարտին SoaceX ընկերությունը պետք է սրճենի և Կանաբիդոլի ցածր պարունակությամբ մարիխուանա հասցնի ՄՏԿ:

ՄՏԿ հասնելուց հետո բույսերը հատուկ ինկուբատորի մեջ մնալու են 30 օր, ինչից հետո հետ են վերադարձվելու Երկիր:

Front Range Biosciences ընկերության տնօրեն Ջոնաթան Վոյթի խոսքերով, իրենք այս գիտափորձի միջոցով ուզում են հասկանալ, թե արդյոք ճի՞շտ են պնդումներն այն մասին, որ անկշռելիության պայմաններում որոշ բուսատեսակներ ենթարկվում են մուտացիայի:

Ընկերությունը հույս ունի, որ եթե դրանք ենթարկվեն մուտացիայի, ապա հնարավոր է դառնան ավելի դիմացկուն, ինչի շնորհիվ հնարավոր կլինի աճեցնել ոչ միայն հասարակածին մոտիկ ընկած շրջաններում, այլ նաև ավելի խիստ կլիմա ունեցող վայրերում:

Հ.Գ. Լուսանկարում SpaceX ընկերության գլխավոր տնօրեն Իլոն Մասկը Ջո Ռոգանի հայտնի շոուի ժամանակ ուղիղ եթերում մարիխուանա է ծխում:

Տիեզերք/Space