Միացյալ Նահանգները կորոնավիրուսի «անվտանգ ու արդյունավետ» պատվաստանյութ կստեղծի մինչև տարեվերջ: Այս մասին հայտարարել է ԱՄՆ գլխավոր համաճարակաբան Էնթընի Ֆաուչին՝ գրում է Fox News-ը:

«Կարծում եմ՝ մինչև տարեվերջ մենք կունենանք անվտանգ ու արդյունավետ պատվաստանյութ»,- հայտնել է ԱՄՆ ալերգիայի և վարակիչ հիվանդությունների ազգային ինստիտուտի տնօրեն Էնթընի Ֆաուչին:

Ամերիկացի համաճարակաբանը հուսով է, որ պատվաստանյութ կստեղծվի կարճ ժամանակում:

Ֆաուչին կրթօջախների ղեկավարությանը հորդորել է թեստի դրական արդյունքներ ցույց տված ուսանողներին տուն չուղարկել, քանի որ վարակվածները ախտը կարող են տարածել նաև իրենց շրջաններում: