Azatutyun24
Հյուրընկալեցի բելգիահայ ձեռնարկատեր, «My Forest Armenia» հասարակական կազմակերպության հիմնադիր Անդրե Գումուշճեանին և կազմակերպության ծրագրերի ղեկավար Վահե Մարտիրոսյանին։
Քննարկեցինք երկուստեք համագործակցության և համատեղ նախագծերի մեր օրակարգը։
Կազմակերպության առաքելությունն է նվազեցնել ածխածնային արտանետումները մթնոլորտ, կայուն կերպով ավելացնել անտառածածկույթը և ապահովել կենսաբազմազանությունը՝ տնկելով էնդեմիկ տեղական ծառատեսակներ։ Այն արդեն հասցրել է նշանակալի գործ անել Հայաստանի անտառների պահպանության ու անտառապատման ոլորտում։
Անդրադարձանք նաև Վանաձոր-Դիլիջան մայրուղուց ոչ հեռու գտնվող, մոտ 3,5 հա տարածք զբազեցնող ամենամեծ՝ Գուգարքի տնկարանին, որի բացման արարողությունը նախատեսվում է շուտով։Հայաստանի անտառածածկ տարածքները պետք է կրկնապատկվեն։
Անտառպահպանության և անտառվերականգնման ոլորտում մեր քայլերը պետք է ուղղված լինեն առկա վիճակի բարելավմանը, տարբեր մակարդակներում համակարգված գործողությունների մշակմանն ու միջազգային չափորոշիչներին համապատասխան միասնական և կոորդինացված քաղաքականություն վարելուն։
Միասնականությունն ու համատեղ ջանքը հաջողության միակ ուղին է
https://www.facebook.com/PetrosyanRomanos/posts/936805673496916?__cft__[0]=AZVKbwozPks_OHgZcvp2earKYrWGI1s4pFumxbIi0uuuCl5M9VL12KTPbQ-12B3710NZnf6Aevbs77XfwQuLBMSg537N44SVGclmkP1fVvBOdLSaoLS7tXhgBVXJOvKdEghWSS4FCUaiaDTf8fWjXeLcNyeBimh4lPh3asHxaL3xMWTE6E3pkWyeKv0_WamwmyGStjDJ4__mxWZkTLBtUpDT&__tn__=%2CO%2CP-R
Azatutyun24
