Պետք է կանխել Լեռնային Ղարաբաղի հակամարտության գոտի ահաբեկիչների և վարձկանների մուտքը: Այս մասին հայտարարել է Ռուսաստանի գլխավոր դատախազ Իգոր Կրասնովը, փոխանցում է ՌԻԱ Նովոստին:

«Մենք 25 տարի շարունակ միահամուռ ուժերով մեխանիզմներ ենք ստեղծել, որոնք թույլ են տալիս ապահովել ԱՊՀ անդամ երկրների քաղաքացիների իրավունքների պաշտպանությունն ու չենք կարող թույլ տալ, որ դրանք խարխլվեն… Հիմա առաջնահերթ է պաշտպանել մարդկանց, ապահովել նրանց՝ անվտանգության, խաղաղ կյանքի իրավունքը: Պետք է ցանկացած միջոցով կանխել հակամարտության գոտի ահաբեկիչների, վարձկանների ու այն անձանց մուտքը, ովքեր հարստանում են զենքի անօրինական վաճառքի ու ահաբեկչական ակտերը ֆինասնավորելու միջոցով»,-հայտարարել է նա:

auroranews.am