Azatutyun24
ՀՀ նախագահի աշխատակազմը հրապարակել է հատված Հանրապետության նախագահ Արմեն Սարգսյանի՝ RT-ին տված հարցազրույցից:
«Թուրքիան իսլամիստ զինյալների և ահաբեկիչների է բերել Ադրբեջան: Իհարկե, ինչպես միշտ Թուրքիան արդարացումներ է բերում իր արարքների համար: Նրանք ասում են, թե ադրբեջանցիներն իրենց էթնիկ եղբայրներն են, սակայն սա չի գործում նոր աշխարհում, քանի որ նրանք էթնիկ եղբայրներ ունեն Կենտրոնական Ասիայում, Մոնղոլիայում, Չինաստանում, սա նշանակում է, որ պետք է միջամտի՞ ամեն անգամ, երբ ինչ-որ խնդիր ծագի: Գուցե այո, քանզի երբ նայում եմ ժամանակակից Թուրքիային, այդ երկիրը 360 աստիճանով խնդիրներ ունի՝ Եգիպտոսի հետ, ներգրավված է Լիբիայում և այլն:
Երկրորդը, նրանք խոսում են PKK-ի զինյալների մասին, ինչը բացարձակ անհեթեթություն է: Երրորդը, խոսում են Բաքու-Թբիլիսի-Ջեյհան խողովակաշարի մասին՝ ասելով, թե հայերը կարող են հարվածել դրան, ուստի մենք այստեղ ենք պաշտպանելու համար: Իսկ որտե՞ղ է տրամաբանությունը: Եթե հայերն ուզեին հարվածել խողովակաշարին, կանեին դա 20 տարի առաջ, երբ այն դեռ նոր էր կառուցվում: Այդ ժամանակ մի քանի հրետակոծություն, և այն առհասարակ չէր լինի, սակայն հայերը դա չեն արել: Սակայն անգամ մեկ փամփուշտ չի արձակվել: Հայերը թույլ են տվել Ադրբեջանին կառուցել խողովակաշար, վաճառել նավթ և գազ, այդ թվում և` Կենտրոնական Ասիայից, վաստակել միլիարդավոր դոլարներ և այդ գումարներն օգտագործելով գնել միլիորդավոր դոլարների արժողությամբ զինամթերք, որը ԼՂ-ում օգտագործում են հայերի դեմ:
— Գումար և թուրքական աջակցությո՞ւն:
— Այո, գումարի և թուրքական աջակցության միջոցով կարող ես հաղթահարել ցանկացած ժամանակակից պաշտպանական համակարգ, որն ուներ ԼՂ-ն»:
Նախագահի աշխատակազմը տեղեկացնում է, որ հարցազրույցն ամբողջությամբ եթեր կհեռարձակվի այսօր:
https://www.facebook.com/Armpresident/posts/674354013213872?__cft__[0]=AZWf-DTE0ZkN_fn4tdfRYlg6zuquLtbSC-w3FCOXG0hmrsZeRfGWfFsbYRDK2gGNNPLdXFMBqFweL-XVjFJQkSlrFcoT8Ddcs3H1HOJPSzuDy8nMQJKIooA1JN7lKJYSDgwRoWQNgHYpdPRG7lbDRvvJTHCtZSIOV8PLBMxsCxBleiLjz64rUuThfwduq6Uh9p-Gb1gaRBC5fiV7pi0CBKjA&__tn__=%2CO%2CP-R
Azatutyun24
