Azatutyun24
Մարտի 1-ի զոհերի հիշատակը հավերժացնող հուշարձանի մրցույթում հաղթել է քանդակագործ Ալբերտ Վարդանյանի նախագիծը
Մրցույթի մասնակիցների առաջ խնդիր էր դրված, որպեսզի հուշարձանի գաղափարական հորինվածքը սահմանափակվի միայն նշմարվող մարﬕնների ուրվագծերի համադրությամբ՝ բացառելով դիմանկարային նմանությունները: Բացի այդ, այն պետք է լիներ հարթաքանդակի տեսքով: Հուշարձանը տեղադրվելու է Գրիգոր Լուսավորիչ փողոցի վրա՝ Բեյրութի փողոցից դեպի Զաքյան փողոց ձգվող ցանկապատի 22-23-րդ հենապատերի ﬕջնամասում:
Հարթաքանդակն իրենից ներկայացնում է բրոնզի և քարի համադրությամբ հուշարձան, որտեղ պատկերագրային լեզուն և գաղափարը հասանելի են դառնում քանդակային սիմվոլների և նյութի կառուցվածքային լուծումների միջոցով: Դիտողը հայտնվում է արվեստի ստեղծած միջավայրում, որն իր մեջ է կրում տվյալ տարածքի հիշողությունը և դիտողին տանում է դեպի 2008-ի մարտի ողբերգական օրերը:
Երևանի քաղաքապետի տեղակալ, հանձնաժողովի նախագահ Տիգրան Վիրաբյանն իր շնորհակալությունն է փոխանցել բոլոր աշխատանքների հեղինակներին.
«Նախորդ մրցույթի ժամանակ ներկայացված գործերից որևէ մեկին հանձնաժողովը հավանություն չտվեց և որոշվեց հայտարարել երկրորդ մրցույթը, որպեսզի հնարավորություն տանք արվեստագետներին նոր գործեր ներկայացնել: Առաջիկայում Երևանում կտեղադրվի կարևոր և հետաքրքիր մի հուշարձան, որն ինքնին կխոսի և կպատմի մարտիմեկյան դեպքերի մասին», — ասել է փոխքաղաքապետը:
https://www.facebook.com/Yerevanofficial/posts/2694770780572035?__xts__%5B0%5D=68.ARAynSzgCrrxRu9PRI94yeGzKECxbsluJQw-QL1Ro5_6Z70-097kbmsKB4o8ayh9Ms62diUZZpTgYB1FKx2mpeXYNE2b8eWCtmcJYyP-gmZa9m99CsulzKlQzJ3YjvVW01iLCjuDlS4OzGIUZAU4eSwq1qwObju9OkZkdouG1iG67j2IxcHk4zb6_Cv8_2EA_fK2lkDVSM1bNqp-vb3JLjQT_S6nq55QsFJHmBm9ONFmzqPMq8DJccgdwym7yWoDlnKMdDMQ5pIWq88NTCtvo4tngxEf-LPnjlTlZ_MOgQnkQqxHAp0DPaM7Xfv-kuvyPBsFT6onwGh9PEXM6mRpYc4Cd1_Gbe4GXPsmAC2Vr2D7eZ9wX9js4A37VJM&__tn__=-R
Azatutyun24
