Մալդիվներում բացվել է աշխարհում առաջին հանգստավայրը, որը կընդունի կորոնավիրուսով վարակված զբոսաշրջիկներին, հայտնում է ATOR-ը՝ վկայակոչելով չինական մամուլն ու Մալդիվների կառավարությանը:

Հյուրանոցը կառուցվել է 10 օրում  մայրաքաղաք Մալեից 24 կմ հեռավորությամբ գտնվող Վիլիվարու կղզում:

Հաղորդվում է, որ բուժանձնակազմը կղզում մեկուսացվածների համար կաշխատի անվճար և կֆինանսավորվի կառավարության կողմից: Ավելին՝ ծառայությունը, ըստ չինական լրատվամիջոցների, կկազմակերպի բարձր մակարդակի սպասարկում:

Հյուրանոցն ունի 30 սենյակ՝ փակ օդափոխության և օդը մաքրելու համակարգերով, մեծ հեռուստացույցով և ամբողջովին հագեցած մինիբարով: Օրական երեքանգամյա սնունդը կմատուցեն սենյակում: Միաժամանակ կարգելվեն հաճախորդների շփումները միմյանց հետ: