Azatutyun24
Նախագահ Արմեն Սարգսյանը ստորագրել է մի շարք օրենքներ, այդ թվում՝ «Ապօրինի ծագում ունեցող գույքի բռնագանձման մասին» օրենքում լրացում և փոփոխություններ կատարելու մասին օրենքների փաթեթը։ Այդ մասին տեղեկացնում է նախագահի լրատվական ծառայությունը։
Հանրապետության նախագահը մարտի 24-ին ստորագրել է «Սնանկության մասին» օրենքում լրացումներ և փոփոխություններ կատարելու մասին, «Հայաստանի Հանրապետության դատական օրենսգիրք» սահմանադրական օրենքում լրացում կատարելու մասին, «Օպերատիվ-հետախուզական գործունեության մասին» օրենքում փոփոխություն կատարելու մասին և «Ապօրինի ծագում ունեցող գույքի բռնագանձման մասին» օրենքում լրացում և փոփոխություններ կատարելու մասին օրենքների փաթեթը, որի մեջ ընդգրկված օրենքներով կանոնակարգվում են ապօրինի ծագում ունեցող գույքի բռնագանձման և սնանկության վարույթների հետ կապված հարաբերությունները։
