Թուրքիայի նախագահի՝ արտաքին գործերի և անվտանգության քաղաքականության հարցերով գլխավոր խորհրդական Մեսութ Հաքը Ջաշընը Անկարա-Վաշինգտոն հարաբերություններում լարվածության սրման ֆոնին անցել է լուրջ սպառնալիքների՝ փոխանցում է Greek City Times պարբերականը:

Նա հայտարարել է՝ «Ամերիկային մեր առաջարկը կրկնում ենք: Հունիսի հանդիպումը (ՆԱՏՕ-ի գագաթնաժողով — խմբ.) մեր սիրելի դաշնակից ԱՄՆ-ին տրված վերջին հնարավորությունն է»:

Ռեջեփ Թայիփ Էրդողանի գլխավոր խորհրդական Մեսութ Հաքը Ջաշընն ավելացրել է, որ Թուրքիան պատրաստվում է Ջո Բայդենի ղեկավարությամբ անցկացվելիք ՆԱՏՕ-ի գագաթնաժողովին:

«Մենք պատրաստ ենք գլխատել նրանց, ովքեր մարտահրավեր են նետում մեզ»,-հայտարարել է Թուրքիայի նախագահի գլխավոր խորհրդականը: