Azatutyun24
Այս պահին Վարդենիսի հատվածում իրավիճակը շարունակում է մնալ լարված։ հակառակորդը կրակ է վարում Վարդենիսի համայնքների ուղղությամբ՝ փորձելով լարված պահել իրավիճակը։ Այս մասին քիչ առաջ «Հրապարակին» հայտնեց Գեղամասար համայնքի ղեկավար հակոբ Ավետյանը։
«Այս պահին լարված իրավիճակը պահպանվում է, բայց հիմնական խնդիրը համարվում է մեր գերեվարված տղաներին հետ բերելը ։Գործողություններ են արվում, բանակցություններ են տարվում, որպեսզի կարողանան հետ բերեն։ Կրակոցներ կան՝ լարված վիճակը պահպանելու համար, փորձում են իրավիճակը պահել լարված։ Կրակում են Կութ գյուղի վրա, որի հատվածում է եղել այդ առևանգումը և լարված վիճակը հիմա այնտեղ է»,- ասաց Ավետյանը։
Հիշեցնենք, որ մայիսի 27-ի վաղ առավոտյան, Հայաստանի Հանրապետության Գեղարքունիքի մարզի սահմանային հատվածում ինժեներական աշխատանքներ կատարելիս, ադրբեջանական զինված ուժերի զինծառայողների կողմից շրջափակվել և գերեվարվել են վեց հայ զինծառայող։
«Հրապարակ օրաթերթ»
Azatutyun24
