Azatutyun24
Համացանցում հայտնված տեղեկատվության վերաբերյալ առողջապահության նախարարությունը պաշտոնապես հայտնում է.
Աբովյանի «Դատաբժշկական գիտագործնական կենտրոնի» մասնաճյուղում փորձաքննված և նույնականացված մի քանի մասունքներ ու դիակներ, որոնք ժամանակավորապես պահվել են կենտրոնի ջերմամեկուսիչ պատերով նկուղային հարկում, հարազատները այլ վայր տեղափոխելու ցանկություն են հայտնել:
Չնայած այն հանգամանքին, որ մասունքների տեղաշարժը նպատակահարմար չէ և դրանց պահման ներկա պայմանները համապատասխանում են մասնագիտական պահանջներին, այնուամենայնիվ, որոշել ենք ընդառաջել ծնողների ցանկությունն ու տեղափոխել այլ դատաբժշկական կենտրոնի սառնարանային հատված` զերծ պահելով հարազատներին լրացուցիչ ցնցումներից:
Եվս մեկ անգամ նշում ենք, որ մասունքներն անցել են համապատասխան նույնականացում և սպասում են, որ հարազատները վերցնեն` հուղարկավորելու համար:
Առողջապահության նախարարության կողմից կկազմվի աշխատանքային խումբ, որը կուսումնասիրի Աբովյանի «Դատաբժշկական գիտագործնական կենտրոնի» աշխատանքների կազմակերպման հետ կապված հարցերը։
Аuroranews-ը կապ հաստատեց ԱՆ, հասկանալու` ինրչպե՞ս է ստացվում, որ ծնողները և հարազատները չեն վերցնում մարմինները կամ մասունքները:
ԱՆ խոսնակ Հռիփսիմե ԽաչատրյանՆ ասաց, որ ծնողների և հարազատների որոշ մասը չի հավատում, որ իրենց զինծառայողի դին է: Սա է պաճառը, որ մինչ օրս չեն վցերցրել և չեն հուղարկավորել դրանք: Լուսանկարում երևացող պարկերում նույնականացված զինծառայողների մարմիններն են, որոնց թե’ մուտքը և թե’ ելքը արձանագրված է մատյաններում, առկա են համապատասխան նշումները:
