Լիբիա ու Ադրբեջան հազարավոր վարձկաններ ուղարկելուց հետո թուրքական իշխանությունները հիմա էլ նախատեսում են Սիրայից վարձկաններ տեղափոխել Աֆղանստան։ Այս մասին գրում է regionmonitor.com-ը՝ վկայակոչելով արաբական լրատվամիջոցները: Համաձայն Սիրիայի մարդու իրավունքների կենտրոնի՝ Անկարան նախնական պայմանավորվածություն է ձեռք բերել հավատարիմ կուսակցությունների մի շարք ղեկավարների հետ սիրիացի վարձկաններին Քաբուլ տեղափոխելու շուրջ, ինչը նախկինում արվել է Լիբիայում ու Լեռնային Ղարաբաղում։ RT-ի արաբական ծառայությունն էլ գրում է, որ Թուրքիան պատրաստվում է 2000 վարձկան ուղարկել Աֆղանստան և արդեն բանակցություններ է սկսել սիրիական ընդդիմության զինյալների հետ։ Նշվում է, որ հունիսի 24-ին թուրքական Քիլիսում կայացել է հանդիպում Թուրքական հետախուզության ու սիրիական ընդդիմադիր խմբակցության ղեկավարների միջև Աֆղանստան սիրիական զինյալներին պատրաստելու՝ Աֆղանստան ուղարկելու համար։ Աղբյուրները նշում են, որ թուրքական կողմը ցանկանում է խաղալ միջազգային իրավունքի մեջ՝ գրանցելով այդ վարձկաններին անվտանգության ընկերություններում և օրինականացնելով նրանց ներկայությունը Քաբուլում` միջազգային հանրության աչքում իրենց իմիջը պահպանելու համար: Վարձկան մարտիկների աշխատավարձը գնահատվում է 2000-3000 դոլարի սահմաններում: Էմմա Չոբանյան

factor.am