Azatutyun24
ԱՄՆ նախագահ Դոնալդ Թրամփը հայտարարել է, որ հանձնարարել է կասեցնել Առողջապահության համաշխարհային կազմակերպության բյուջե ուղղվող ամերիկյան վճարումները, քանի որ կարծում է՝ կորոնավիրուսային համաճարակի դեմ պայքարում ԱՀԿ-ն «ձախողել է իր հիմնական պարտականությունը»: Այս մասին գրում է BBC-ին:
«Իրականությունն այն է, որ ԱՀԿ-ն բավարար չափով չի ստացել, չի ստուգել կամ ժամանակին չի տարածել անհրաժեշտ տեղեկատվությունը», — ասել է Թրամփն իր ամենօրյա ասուլիսում՝ Սպիտակ տանը:
«Աշխարհն ակնկալում է, որ ԱՀԿ-ն կաշխատի երկրների հետ, առողջապահության միջազգային սպառնալիքների վերաբերյալ ժամանակին ճշգրիտ տեղեկատվություն կտարածի: ԱՀԿ-ն չի կատարել այս հիմնական պարտականությունը և պետք է պատասխանատվություն կրի»:
Թրամփի խոսքով ՝ ՄԱԿ-ի գործակալությունը համաճարակի վերաբերյալ չինական ապատեղեկատվություն է տարածել:
Նա հանձնարարել է դադարեցնել ֆինանսավորումը, մինչև կպարզվի, թե որն է կազմակերպության դերն իրադարձություններում, որոնք հանգեցրին վիրուսի տարածմանը ողջ աշխարհում՝ Չինաստանի սահմաններից շատ հեռու:
Միացյալ Նահանգները ԱՀԿ-ի ֆինանսավորման հիմնական աղբյուրներից մեկն է: Միայն անցյալ տարի այդ երկրի ներդրումը կազմել է 400 միլիոն դոլար, կամ կազմակերպության բյուջեի 15% -ը:
