Ռուսական բանակը շուտով կստանա նորագույն С-500 հրթիռային համակարգը, հայտարարել է երկրի նախագահ Վլադիմիր Պուտինը պաշտպանության նախարարության ղեկավարության և պաշտպանական արդյունաբերության ներկայացուցիչների հետ հանդիպմանը, գրում է «ՌԻԱ Նովոստի»-ն։

«Առաջիկա տարիներին զորքերին պետք է մատակարարվի ավելի քան 200 թռչող սարք և 26 С-350 և С-400 զենիթահրթիռային համակարգեր, ինչպես նաև նորագույն С-500 հրթիռային համակարգի առաջին արտադրական մոդելը»,-ասել է Պուտինը:

Նրա խոսքով՝ ՀՕՊ նորացված համակարգը պետք է հայտնաբերի բոլոր տեսակի գերձայնային և բալիստիկ հրթիռներ և կարողանա դրանք ոչնչացնել թռիչքի ողջ ուղու երկայնքով։

С-500 «Պրոմեթևս»-ը պատկանում է նոր սերնդի ցամաքային հակաօդային պաշտպանության համակարգերին։ Այն հակահրթիռային պաշտպանության մեծ ներուժով ունիվերսալ հեռահար և բարձր բարձրության վրա գտնվող կալանավորման համալիր է և ունակ է խոցել բալիստիկ և թևավոր հրթիռներ, ինչպես նաև աերոդինամիկ թիրախներ (ինքնաթիռներ, ուղղաթիռներ և այլն):

С-500-ի ոչնչացման շառավիղը մոտ 600 կիլոմետր է։ Համակարգը կարող է հայտնաբերել և միաժամանակ խոցել մինչև տասը բալիստիկ գերձայնային թիրախներ, որոնք թռչում են վայրկյանում մինչև յոթ կիլոմետր արագությամբ, ներառյալ հիպերձայնային հրթիռների բլոկները: