Azatutyun24
Այսօր՝ մայիսի 5-ին, Կառավարության հերթական նիստում Ապօրինի ծագում ունեցող գույքի բռնագանձման մասին օրենքում փոփոխություններ և լրացումներ կատարելու մասին օրենքի նախագծին հավանություն տալու հարցի քննարկմանը արդարադատության նախարար Կարեն Անդրեասյանն ասաց. «Նախագծով առաջարկվում է ընդլայնել այն անձանց շրջանակը, որոնց նկատմամբ կարող է սկսվել գույքային ուսումնասիրություն: Բոլոր այն պաշտոնյաները, որոնք հայտարարագիր են ներկայացնում, իրենք նույնպես ենթակա կլինեն այս օրենքի ուսումնասիրությանը»:
Ինչ վերաբերում է ժամկետներին, ապա նախարարն առաջարկեց, որ դա լինի 3 տարի: «Դատախազությանը տրվում է հնարավորություն սեփական նախաձեռնությամբ սկսելու ուսումնասիրություն բոլոր այն դեպքերում, երբ հայտնաբերվել են տվյալներ պաշտոնատար անձին կամ իր հետ փոխկապակցված անձին պատկանող ապօրինի գույքի վերաբերյալ»,- ասաց նախարարը:
Կարեն Անդրեասյանի խոսքով՝ փոփոխություններից մեկն էլ վերաբերում է գույքի արժեքի գնահատմանը. «Այս նախագծի փոփոխությունն այն մասին է, որ գույքի ձեռք բերման արժեքի չափով գումարի բռնագանձման հնարավորություն տրվի դատախազությանը»:
Azatutyun24
